إذا كنت لا تجد بحثك في موقعنا يمكنك طلبه منا الأن. لدينا فريق كامل في مختلف المجالات ويمكننا إنجاز بحثك باللغتين العربية والإنجليزية كامل مع المراجع. كما يمكننا توفير خدمات الترجمة بأسعار منافسة.
تواصل معنا الآن عبر الواتس 201118865884

السمنة والإكتئاب

مترددة اكتب عشان هسمع نفس الكلمتين اللي بسمعهم من اي حد وفي اي جروب.. مشكلتي تبان سهلة لكن هي مش سهلة.. انا باختصار اتولدت عشان اخس..وكأن ربنا غضبان عليا ومولودة من بطن امي مغضوب عليا.. عندي 31 سنة لا يوجد اي انجاز يُذكر لا دراسيا ولا في الحياة العاطفية ولا في العملية ولا اي حاجة.. بشتغل فريلانس من كتر الاكتئاب مش قادرة اشتغل بنام نوم رهيب من كتر الاكتئاب.. 
عملت عملية تكميم وفشلت وبفكر دلوقتي في التحويل بس خايفة اموت.. لان التحويل لوحده صعب فما بالك اني عاملة تكميم قبلها والادهى ان اصلا اهلي زهقو مني من كتر المصاريف..
علاقات عاطفية فاشلة معنديش ولا علاقة عاطفية حقيقية في حياتي.. كل اللي عرفتهم من النت وحتى متقابلناش.. اخر علاقة فضلت سنة ما بين شد وجذب وبعد ما مرت سنة وهو عارف شكل جسمي مش بالصور يعني شرحتله اني مترهلة واني تخينة و و و.. بعد سنة يقولي انا عايز اتقدملك بس لازم اعرف درجة الترهل وتجبيلي صورة حتى من النت..وطبعا لو واجهته انه انسان غشاش ومش عارف ايه يقولي انتي عنيدة ومتسلطة 


للاسف فضلت معاه سنة لان انا عارفة ان مفيش فرصة بعد كدا لاني تعبت واستنفزت مش مستعدة حتى اتكلم مع اي حد لا من الستات ولا من الرجالة .. المشكلة ان اخر علاقة دي استنفزتني حرفيا عرف كل نقاط ضعفي وانا من ضعفي وغبائي كنت بقوله مش عشان انا ضعيفة قصاده عشان انا ضعيفة ادام الوحدة وقرفها..
وعموما انا مش شايفاه ندل ولا خاين لان انا اللي خليته يتفرعن .. كل اللي بيتقدمولي فرص اقل مني كتير.. ولازم عشان اخد فرصة اقل مني لازم اشتغل واكون انا مكونة نفسي عشان الكفة تتعدل.. للاسف مش عايزة ابقى اقل من اخواتي وبقول خليني متجوزش ولا اني اخلف عيال ازعل عليهم انهم اقل من اللي حواليهم... دا كله بسبب اني منبوذة اجتماعيًا بسبب التخن
عملت فوق المستحيل في الرجيمات.. عملت حاجات استحالة اي انسان طبيعي يفكر فيها عشان امنع الاكل عن نفسي.. زهقت البيت عندي لما اعمل رجيم يبقى الكل يعمل رجيم معايا.. خسيت مليون مرة وتخنت.. وبالله عليكم بالله عليكم مش عايزة اسمع كلمة خسي عشان صحتك ولا عشان نفسك ولا حتى تقولولي وصفات رجيم ولا تقولولي اي وصفات لاي حاجة.. انا حافظة كل حاجة صم.. انا حافظة كل جدول السعرات الحرارية
رحت لمليون دكتور نفسي وماهي الا عملية استنزاف اموال..صرفت عندهم ضعف ما صرفت عند العملية.. ومفيش فايدة
انا بس بفضفض عشان مطقش ادعولي

إرسال تعليق

0 تعليقات